Breaking News 1

राष्ट्रपतिलाई अध्यादेश अस्वीकृत गर्न जेनजी मुभमेन्टको अनुरोध काठमाडौं, २०८२ वैशाख १५— जेनजी मुभमेन्ट नेपालले राष्ट्रपति रामचन्द्र पौडेललाई पत्र पठाउँदै प्रस्तुत अध्यादेश अस्वीकृत गर्न आग्रह गरेको छ। मुभमेन्टका प्रवक्ता विजय शाहले राष्ट्रपति भवन शीतल निवासलाई सम्बोधन गर्दै लेखेको पत्रमा हालै सम्पन्न प्रतिनिधिसभा निर्वाचनले दिएको जनादेशलाई सम्मान गर्दै अध्यादेशमार्फत शासन चलाउने प्रयास लोकतान्त्रिक प्रक्रियाविपरीत भएको बताएका छन्। पत्रमा भनिएको छ, “अध्यादेश आपतकालीन उपाय हो, नियमित शासनको विकल्प होइन। संसद सक्रिय रहँदा कार्यपालिकाले विधायिकालाई बाइपास गर्नु शक्ति पृथकीकरणको सिद्धान्तविपरीत हो।” मुभमेन्टले संवैधानिक परिषद्को प्रयोगबाट न्यायपालिकालाई प्रभावित पार्ने सम्भावनाप्रति गम्भीर चिन्ता व्यक्त गर्दै राष्ट्रपतिले अध्यादेश स्वीकृत नगरी पुनर्विचारका लागि फर्काइदिनुपर्ने बताएको छ। यसले संस्थागत…

जेनजी आन्दोलनको म्यान्डेटमाथि कुठाराघातको आरोप, काठमाडौँ–१ बाट जुत्ता चिन्हसहित अर्जुन शाही चुनावी मैदानमा जेनजी आन्दोलनको म्यान्डेटमाथि कुठाराघात भएको आरोप काठमाडौँ–१ बाट जुत्ता चुनाव चिन्हसहित चुनावी मैदानमा उत्रिने औपचारिक घोषणा काठमाडौँ। जेनजी आन्दोलनका मुख्य योजनाकार तथा अन्तरिम सरकार गठनका लागि गठित वार्ता समितिका सह–संयोजकले जेनजी क्रान्तिको पवित्र भूमिका रूपमा चिनिने काठमाडौँ निर्वाचन क्षेत्र नम्बर १ बाट जुत्ता चुनाव चिन्हसहित चुनाव लड्ने औपचारिक घोषणा गर्नुभएको छ। राज्यसत्ताले जेनजी आन्दोलनको म्यान्डेटलाई उदासीनताका साथ बेवास्ता गर्दै सहिदहरूप्रति छल, कपट र धोका गरेको ठहर गर्दै, “सपनालाई मारिन नदिन आफू चुनावी मैदानमा उत्रिन बाध्य भएको” उहाँले स्पष्ट पार्नुभएको छ। उहाँका अनुसार, जेनजी आन्दोलनले अन्तिम क्षणसम्म पनि…

2. निर्वाचन कोड उल्लङ्घन आरोपमा पक्राउ अर्का समाचारअनुसार उनीलाई चाल्नाखेल, दक्षिणकाली (चाल्नाखेल–डक्सिनकाली) बाट पनि निर्वाचन सम्बन्धी नियम (Election Code) उल्लङ्घन गरेको आरोपमा पक्राउ गरिएको उल्लेख गरिएको छ

बर्दिबास, माघ २० । लोक तथा दोहोरी संगीतको क्षेत्रमा बेल बहादुर परियार कुनै एक गीत वा एक सफलतामा सीमित नाम होइन । उनी तीन दशकभन्दा बढी समयदेखि लोकधुन, जनभावना र सामाजिक चेतनालाई गीतमार्फत प्रस्तुत गर्दै आएका एक प्रतिबद्ध सर्जक हुन् । पछिल्लो समय सार्वजनिक भएको दोहोरी गीत ‘फूल खसिगो, माया बसिगो’ ले उनको निरन्तर सांगीतिक यात्रालाई फेरि एकपटक उजागर गरेको छ । परियारले २०५१ सालमा रेडियो नेपालबाट पहिलोपटक ‘जाग नेपाली वीर नेपाली’ गीत गाएसँगै औपचारिक रूपमा गायन यात्राको सुरुवात गरेका थिए । त्यसयता उनले लोक, जनवादी तथा सांस्कृतिक चेतनासँग जोडिएका थुप्रै गीतमार्फत आफ्नो पहिचान बनाउँदै आएका छन् । ‘सिन्धुलीका सुसेलीहरू’,…

संविधान संशोधन र संसद पुनःस्थापनाका लागि सर्वदलीय राष्ट्रिय वार्ता सुरु गर्ने जेन–जि आन्दोलनको औपचारिक घोषणा काठमाडौं। जेन–जि रिभोलुसन नेपालले संविधान संशोधन, संसद पुनःस्थापना तथा जेन–जि म्यान्डेटअनुसार जिम्मेवार सरकार गठनका लागि सर्वदलीय, सर्वपक्षीय राष्ट्रिय वार्ता प्रक्रिया सुरु गर्ने औपचारिक निर्णय सार्वजनिक गरेको छ। शान्तिपूर्ण, लोकतान्त्रिक र जिम्मेवार आन्दोलनमार्फत जनसमर्थन प्राप्त गरेको जेन–जि आन्दोलनले मुलुक गहिरो राजनीतिक अन्योलमा फसेको निष्कर्षसहित संविधानको मर्मअनुसार आवश्यक संवैधानिक सुधार, समावेशी र उत्तरदायी सरकार गठन तथा संसद पुनःस्थापनालाई राष्ट्रिय सहमतिमार्फत अघि बढाउने उद्देश्य स्पष्ट पारेको छ। यसै सन्दर्भमा जेन–जि आन्दोलनले सबै प्रमुख राजनीतिक दल, नागरिक समाज, संवैधानिक निकाय तथा सरोकारवाला पक्षहरूसँग औपचारिक, मर्यादित र निष्कर्षमुखी राष्ट्रिय संवाद…

झापा–५ मा पुस्तागत विद्रोहको उद्घोष: ओली–बालेनको चर्चाबीच जेन–जीका रणनीतिकार अर्जुन शाही चुनावी मैदानमा झापा । राष्ट्रिय राजनीतिमा सबैभन्दा बढी चासो तानिरहेको निर्वाचन क्षेत्र झापा–५ अब निर्णायक वैचारिक संघर्षको केन्द्र बन्ने भएको छ। पूर्वप्रधानमन्त्री तथा एमाले अध्यक्ष केपी शर्मा ओली र स्वतन्त्र शक्ति प्रतीक बालेन शाह यसै क्षेत्रबाट चुनाव लड्ने चर्चाले देशको ध्यान खिचिरहेकै बेला जेन–जी आन्दोलनका मुख्य योजनाकार अर्जुन शाहीले पनि झापा–५ बाट प्रतिनिधि सभा निर्वाचनमा होमिने घोषणा गरेपछि राजनीतिक समीकरणमा नयाँ कम्पन पैदा भएको छ। यो उम्मेदवारी केवल एउटा व्यक्तिको प्रवेश नभई—युवा चेतना, आन्दोलनको राजनीतिक रूपान्तरण र सहिदको बलिदानको न्यायको प्रश्नलाई प्रत्यक्ष रूपमा चुनावी मैदानमा उतारिएको कदमका रूपमा हेरिएको…

काठमाडौँ । जेन्जी मुभमेन्ट नेपालले सहकारी ठगी प्रकरणका मुख्य नाइके रवि लामिछानेलाई उन्मुक्ति दिन खोजिएको भन्दै कडा आपत्ति जनाएको छ। महान्यायाधिवक्ताबाट शक्तिको दुरुपयोग गरी १६–१७ वर्षका किशोरीहरूलाई बेहोस बनाई डिम्ब बिक्री गर्ने जघन्य अपराधमा संलग्न गिरोहलाई गैरकानुनी रूपमा संरक्षण गरिएको घटनापछि नै आफूहरूले तत्काल बर्खास्तीको माग गरेको मुभमेन्टले जनाएको छ। मुभमेन्टका अनुसार सुशासन र कानुनी राज्य स्थापनाका लागि भएको जेन्जी विद्रोहका क्रममा ७६ जना नागरिकले जीवन बलिदान दिएका थिए भने ३,००० भन्दा बढी नागरिक अङ्गभङ्ग भएका थिए। ती ऐतिहासिक बलिदानमाथि अपराधी संरक्षण गरेर खेलवाड गर्नु गम्भीर आपत्तिजनक भएको जनाइएको छ। जेन्जी मुभमेन्टले विद्रोहलाई अपहरण गर्दै सत्ता कब्जामार्फत बनेको सुशीला कार्की नेतृत्वको सरकार र उहाँले नियुक्ति गरेका महान्यायाधिवक्ताबाट अपराधीलाई उन्मुक्ति दिने कार्यले कानूनको सर्वोच्चता कमजोर पारेको आरोप लगाएको छ। यस्तो कार्य लोकतान्त्रिक मूल्य, पीडितको न्याय र राज्यको जिम्मेवारीविरुद्ध भएको मुभमेन्टको ठहर छ। भाद्र २४ गते रवि लामिछाने समूहले जेल भत्काई कैदी भगाएको र देशभरि अस्तव्यस्तता सिर्जना गरेको घटना सर्वविदित रहेको उल्लेख गर्दै, राज्यविहीनता सिर्जना गरी सत्ता हासिल गर्ने उद्देश्यले योजनाबद्ध अस्थिरता फैलाइएको दाबी पनि मुभमेन्टले गरेको छ। सहकारी ठगीका लाखौँ पीडित आज पनि न्यायको प्रतीक्षामा तड्पिरहेको, कतिपयले आत्महत्या गरिसकेको र धेरैजसो मानसिक तथा शारीरिक पीडामा रहेको जनाएको छ। जेन्जी मुभमेन्टले अपराधीलाई दिइने कुनै पनि उन्मुक्तिलाई जेन्जी विद्रोहमाथिको धोका र बलिदानीमाथिको गम्भीर अपमानको रूपमा व्याख्या गरेको छ। “कानून सबैका लागि समान हुनुपर्छ, शक्तिशालीका लागि छुट र पीडितका लागि मौनता स्वीकार्य छैन,” वक्तव्यमा भनिएको छ। यसैबीच, मुभमेन्टले प्रधानमन्त्री सुशीला कार्की तथा उहाँले नियुक्ति गरेका महान्यायाधिवक्तालाई सार्वजनिक रूपमा बहिष्कार र अवज्ञा गर्न आह्वान गरेको छ। साथै, अपराधी संरक्षणको संस्कृति तत्काल अन्त्य गर्न, महान्यायाधिवक्तालाई पदबाट हटाउन र सहकारी पीडितलाई निष्पक्ष न्याय सुनिश्चित गर्न सरकारसँग कडा माग गरेको छ।

काठमाडौँ । पृथ्वी जयन्ती तथा राष्ट्रिय एकता दिवसको अवसरमा काठमाडौँमा भव्य एकता परेड आयोजना हुने भएको छ। पौष २७ गते बिहान ११ बजे भद्रकालीदेखि सिंहदरबारसम्म एकता परेड निकालिने कार्यक्रम तय गरिएको छ। राष्ट्रिय एकताको सन्देश प्रवाह गर्ने उद्देश्यले आयोजना गरिने उक्त परेडमा हजारौँको सङ्ख्यामा नेपालीहरूको सहभागिता रहने अपेक्षा गरिएको छ। नेपालीहरूलाई कुनै औपचारिक प्रक्रिया बिना स्वस्फूर्त रूपमा उपस्थित भई कार्यक्रममा सहभागी हुन आह्वान गरिएको छ। परेडमा सहभागी हुने सबैले आफ्नो भेषभूषा, संस्कृति र पहिचान झल्किने गरी सहभागिता जनाउन आग्रह गरिएको छ। विविध जाति, भाषा र संस्कृतिको प्रतिनिधित्व हुने यो एकता परेडले नेपाली समाजको बहुसांस्कृतिक स्वरूप र राष्ट्रिय ऐक्यबद्धतालाई सशक्त रूपमा प्रस्तुत गर्ने विश्वास लिइएको छ। पृथ्वी जयन्ती तथा राष्ट्रिय एकता दिवसलाई उत्सवका रूपमा मनाउने क्रममा काठमाडौँ मात्र नभई देशभर विभिन्न कार्यक्रमहरू आयोजना गरिँदैछन्। यस अवसरमा सांस्कृतिक कार्यक्रम, दिव्योपदेश वितरण एवं वाचन तथा विविध रचनात्मक गतिविधिहरू सञ्चालन हुने जनाइएको छ। पृथ्वी नारायण शाहले निर्माण गरेको एकीकृत नेपालको भावना, राष्ट्रिय स्वाभिमान र बलिदानको सम्मानलाई केन्द्रमा राखेर परेड आयोजना गरिएको हो। यसले नयाँ पुस्तामा राष्ट्रिय चेतना अभिवृद्धि गर्नुका साथै इतिहासप्रतिको सम्मान र भविष्यप्रतिको जिम्मेवारीको सन्देश प्रवाह गर्ने विश्वास गरिएको छ। एकता परेडको स्वयंसेवकको रूपमा जेन्जी मुभमेन्ट नेपालले भूमिका निर्वाह गर्नेछ। प्रवक्ता विजय शाहका अनुसार नेपालको सबैभन्दा ठूलो दिन भनेकै पौष २७ गते हो, हामी विभिन्न दल समूह वा समुदायका नाममा विभाजित भएपनि सबैजना एक ठाउँमा आएर एकताको सन्देश दिन जरुरी छ।

काठमाडौँ । जेन्जी आन्दोलनबाट उदाएका युवा नेता रवि किरण हमाललाई राष्ट्रिय प्रजातन्त्र पार्टी (राप्रपा) ले सुर्खेत–१ बाट प्रतिनिधिसभा सदस्यका लागि उम्मेदवारका रूपमा सिफारिस गरेको छ। राप्रपाले आगामी प्रतिनिधिसभा निर्वाचनलाई लक्षित गर्दै हमाललाई पार्टीभित्र उदाउँदै गरेका प्रभावशाली र सम्भावनाशील युवामध्ये एकका रूपमा अघि सारेको जनाएको छ। पार्टीका अनुसार, समसामयिक राजनीतिक बहसमा सक्रिय उपस्थिति, वैचारिक स्पष्टता र संगठनात्मक क्षमताका आधारमा उनलाई सिफारिस गरिएको हो। एक दशकदेखि निरन्तर व्यथिति, कुशासन र भ्रष्टाचारविरुद्ध निरन्तर आवाज उठाउँदै आएका हमाल पछिल्लो समय जेन्जी आन्दोलनमा अग्रणी भूमिकामा देखिएका थिए। उनले शासकीय स्वरूप र सार्वजनिक संस्थाहरूको पुनर्संरचनाको मुद्दालाई जबरजस्त अगाडि बढाएका थिए। युवाहरूको राजनीतिक चेतना र सहभागिता विस्तारमा उक्त आन्दोलनले खेलेको भूमिकासँगै हमालको राजनीतिक उचाइ उल्लेखनीय रूपमा बढेको विश्लेषण गरिन्छ। राजनीतिशास्त्रमा स्नातकोत्तर अध्ययन गरेका हमाल सार्वजनिक बहसमा सशक्त प्रस्तुति र स्पष्ट दृष्टिकोणका कारण चिनिएका युवा नेता हुन्। उनको सिफारिसलाई सुर्खेतमा नयाँ पुस्ताको राजनीतिक प्रतिनिधित्व र पुस्तान्तरणको बहससँग जोडेर हेरिएको छ। आगामी निर्वाचनमा हमाल सुर्खेत–१ मा विगत तीन दशकदेखि निर्वाचित हुँदै आएका नेपाली कांग्रेसका कार्यवाहक सभापति पूर्णबहादुर खड्कासँग प्रतिष्पर्धामा उत्रिने सम्भावना देखिएको छ। पुस्तान्तरणको बहस तीव्र बन्दै गएको वर्तमान सन्दर्भमा राष्ट्रिय पहिचान बनाइसकेका युवा नेताका रूपमा हमालले सुर्खेत–१ मा बलियो राजनीतिक पकड जमाउन सक्ने आँकलन गरिएको छ।

काठमाडौँ — जय देश नेपाल द्वारा आयोजित “वर्तमान राष्ट्रिय सङ्कट र समाधान” विषयक अन्तरक्रिया कार्यक्रममा जेन्जी आन्दोलनका अगुवा रवि किरण हमालले शासकीय स्वरूप र निर्वाचन प्रणालीमा आमूल परिवर्तन नगरी नेपाल अघि बढ्न नसक्ने स्पष्ट दाबी गरेका छन्। उनले देश गहिरो संरचनात्मक संकटमा फसेको उल्लेख गर्दै यसको मूल कारण असफल शासन प्रणाली र जनताबाट विमुख हुँदै गएको निर्वाचन प्रणाली रहेको बताए। कार्यक्रममा बोल्दै हमालले भाद्र २३ गते नेपालको नयाँ पुस्ताको आह्वानमा भएको विद्रोह मुलुकलाई संकटमोचनतर्फ लैजाने ऐतिहासिक प्रयत्न भएको बताए। उनले भाद्र २४ गते देशमा भएको आगजनी र हिंसात्मक गतिविधि जेन्जी आन्दोलनबाट नभई कुनै गिरोहद्वारा नियोजित रूपमा गरिएको कुकर्म भएको दाबी गरे। नयाँ पुस्ताको विद्रोहलाई बदनाम गर्न त्यस्ता घटनाहरू गराइएको उनको आरोप थियो। उनले अब राज्यले नयाँ पुस्ताले उठाएको विद्रोहलाई स्वीकार गर्दै त्यसको राजनीतिक सन्देश बुझ्नुपर्ने आवश्यकता औँल्याए। “नयाँ पुस्ताको आवाजलाई दबाउने होइन, सुन्ने साहस राज्यले देखाउनुपर्छ,” उनले भने। हमालले शासकीय स्वरूप र निर्वाचन प्रणालीको परिवर्तनसँगै विशेषगरी न्यायालय, कूटनीतिक निकाय, निजामती प्रशासन, सुरक्षा निकाय र विश्वविद्यालय ,यी पाँच संस्थाको गहिरो पुनर्संरचना अनिवार्य रहेको बताए। उनका अनुसार यी संस्थाहरू राजनीतिक हस्तक्षेप, जडता र अविश्वासको चक्रमा फसेका छन्, जसले राज्यलाई कमजोर बनाइरहेको छ। कार्यक्रममा उनले जेन्जी विद्रोही, राजनीतिक दलका सचेत नेतृत्व, बौद्धिक वर्ग र प्रबुद्ध नागरिकहरू एक ठाउँमा उभिएर देशलाई वर्तमान राष्ट्रिय संकटबाट मुक्त गर्न साझा पहल गर्नुपर्ने आह्वानसमेत गरे। अन्तरक्रिया कार्यक्रममा पूर्व राष्ट्रपति विद्यादेवी भण्डारी, पूर्वमन्त्री सुरेन्द्र पाण्डे, नेपाली कांग्रेसका नेता शंकर भण्डारी, राजनीतिक विश्लेषक सौरभ, मनिषा कोइराला, भवानी राणालगायत विभिन्न क्षेत्रका प्रबुद्ध व्यक्तित्वहरूको उल्लेखनीय उपस्थिति रहेको थियो। आयोजकका अनुसार कार्यक्रमले वर्तमान राष्ट्रिय संकट र सम्भावित समाधानबारे गम्भीर बहसको वातावरण निर्माण गरेको छ।