Blog

आज काठमाडौँको बल्खुमा जेन्जी सभा, सर्वसाधारणलाई सहभागी हुन आग्रह | काठमाडौँ — जेन्जी मुभमेन्ट नेपालले काठमाडौँको बल्खुमा आज दिउँसो २ बजे सभा आयोजना गर्ने भएको छ। आयोजकका अनुसार सभामा हाल देशमा उठिरहेका युवा आन्दोलनका मुद्दा, सामाजिक–राजनीतिक परिवर्तनका विषय तथा नयाँ पुस्ताले अघि सारेका एजेन्डाबारे सार्वजनिकरूपमा धारणा राखिनेछ। आयोजकले विभिन्न क्षेत्रका नागरिक, युवाहरू, सहभागी समूह तथा सरोकारवाला सबैलाई सभामा उपस्थित भई आफ्ना विचार र सुझाव व्यक्त गर्न आग्रह गरेको छ। उनका अनुसार खुलेर संवाद गर्ने र जनमत सुन्ने उद्देश्य सभाको मूल केन्द्रमा रहनेछ। जेन्जी मुभमेन्ट नेपालले यो सभालाई परिवर्तन र उत्तरदायित्वबारे नागरिक आवाज एक ठाउँमा सुन्ने र सुनाउने अवसरको रूपमा प्रस्तुत…

जेन्जी मुभमेन्टले भन्यो ऊर्जामन्त्री घिसिङलाई तत्काल बर्खास्त गर्न माग काठमाडौं — जेन्जी मुभमेन्ट नेपालको प्रेस वक्तव्यअनुसार, ऊर्जा, जलस्रोत तथा सिँचाइ मन्त्री कुलमान घिसिङ र नेपाल विद्युत् प्राधिकरणका प्रबन्ध निर्देशक मनोज सिलवालको मिलेमतोमा भारतको कम्पनी पीटीसी इन्डियासँग करिब ४३ करोड रुपैयाँ बराबरको गैरकानुनी विद्युत् खरिद सम्झौता गरिएको खुलेको छ। मुभमेन्टले यो सम्झौतालाई “राष्ट्रघाती” भन्दै त्यसमा संलग्नहरूबिरुद्ध कडा कारबाहीको माग गरेको छ। वक्तव्यमा भनिएको छ कि उक्त सम्झौता विद्युत् नियमन आयोगको स्वीकृति बिना गरिएको तथ्य प्रष्ट भइसकेको र यसले नेपालको आर्थिक स्वाधीनता र सार्वजनिक स्वार्थमाथि गम्भीर प्रहार गरेको आरोप लगाइएको छ। मुभमेन्टले यो कार्यलाई “सिधा–सिधा भ्रष्टाचार र राष्ट्रिय स्वार्थको बिक्री” भनेको छ। प्रेस वक्तव्यमा जेन्जी मुभमेन्टले सरकारसमक्ष चार बुँदे माग राखेको छ: १. ऊर्जामन्त्री कुलमान घिसिङलाई तुरुन्त बर्खास्त गरी अख्तियार दुरुपयोग अनुसन्धान आयोगमा मुद्दा दायर गर्ने। २. प्राधिकरणका प्रबन्ध निर्देशक मनोज सिलवाललाई तत्काल निलम्बन गरी सम्पत्ति शुद्धीकरण ऐन अन्तर्गत छानबिन सुरु गर्ने। ३. विद्युत् नियमन आयोगले स्वतन्त्र छानबिन समिति गठन गरी सम्पूर्ण विद्युत् सम्झौताहरू सार्वजनिक गर्ने। ४. राष्ट्रघाती सम्झौतामा संलग्नहरूलाई जेल हाल्ने र राज्यका सम्पत्ति फिर्ता गराउने कानुनी प्रक्रिया तुरुन्त सुरु गर्ने। वक्तव्यका अनुसार, “जेन्जी विद्रोह अपहरण गरेर बनेको सरकारका मन्त्रीहरु देशलाई लुट्न उद्दत रहेको कुरा पुष्टि भएको” उल्लेख गरिएको छ र सरकारले माग पूरा नगरेमा “कठोर सङ्घर्ष”का लागि युवाहरू बाध्य हुने चेतावनी दिइएको छ। जेन्जी मुभमेन्टका प्रवक्ता विजय शाहले जारी गरेको उक्त वक्तव्यमा संगठनले तत्काल सरकारबाट जिम्मेवारहरूलाई हटाएर छानबिन थाल्न आग्रह गरेको छ।

जेन्जी मुभमेन्ट नेपालका प्रवक्ता विजय शाह पक्राउ जेन्जी मुभमेन्ट नेपालका प्रवक्ता विजय शाहलाई प्रहरीले माइतीघर मण्डलाबाट पक्राउ गरेको छ। सुशीला कार्कीले सत्ता कु गरेको दिन (भाद्र २७) लाई जेन्जी विद्रोहको लागि कालो दिन का रूपमा स्मरण गर्दै कार्तिक २७ गते माइतीघरमा सांकेतिक विरोध गर्न गएका विजय शाहलगायत कार्यकर्ताहरूलाई प्रहरीले पक्राउ गरेको हो। भाद्र २७ गते सुशीला कार्की नेतृत्वको सरकारले सत्ता कु गरेर जेन्जी विद्रोहलाई अपहरण गरेको आरोप लगाउँदै शाहले सांकेतिक प्रदर्शन गरेका थिए। शान्तिपूर्ण रूपमा विरोधमा उभिएका शाह र उनका सहकर्मीहरूलाई प्रहरीले नियन्त्रणमा लिएर सिंहदरबार प्रहरी वृत्तमा लगेको बताइएको छ। जेन्जी मुभमेन्ट नेपालले यस घटनालाई अभिव्यक्तिको अधिकारमाथिको दमन भन्दै तत्काल रिहाइको माग गरेको छ। “तुरुन्तै रिहाइ गरियोस्, सत्ता कु गरेर…